पाश्चात्य संस्कृतीकडे असणारा मुलांचा ओढा पहाता, भारतीय संस्कृतीनुसार मुलांवर संस्कार करूया..

आजच्या स्पर्धेच्या युगामध्ये जगाच्या पाठीवर कुठेही असला तरी जागतिक दर्जाचे शैक्षणिक शिक्षण घेत असताना आपली मुले नैतिक आणि सांस्कृतिक मूल्ये शिकण्यात कुठेतरी कमी पडत आहेत याचा आपण पालक म्हणून नक्कीच विचार करायला हवा. खरंतर संस्कार म्हणजे फक्त आरती, मंत्र, स्तोत्र हेच आहे का? तर नाही.  कारण काळ बदलला आणि काळाबरोबर संस्काराची परिभाषा देखील बदलली. आजची लहान मुले म्हणजे उद्याची युवा पिढी ही पाश्चात्य संस्कृतीचे अनुकरण करण्याकडे वेगाने वळताना आपण पाहतोय. भविष्यात याचे गंभीर परिणाम त्यांना आणि अर्थातच आपल्याला भोगावे लागू नयेत यासाठी संस्कारवर्गाच्या माध्यमातून मुलांचा पाया भक्कम करणे अतिशय गरजेचे आहे.

आजकाल मुलांचा सुरु असलेला मोबाईलचा अतिवापर, तासंतास ऑनलाईन खेळल्या जाणाऱ्या गेम्स, सतत टीव्ही बघण्याचे लागलेले व्यसन, सात्विक आणि पौष्टिक आहाराची टाळाटाळ, मैदानी खेळ किंवा व्यायामाचा अभाव/कंटाळा, आई-वडील आणि वडिलधाऱ्या मंडळींसोबत अयोग्य आचरण आणि त्यांना दिली जाणारी उलट उत्तरे अश्या एक ना अनेक समस्या आणि याचे त्यांच्या वाढत्या वयावर होणारे दूरगामी परिणाम किती भयानक आहेत हेही आपल्याला माहिती आहे, पण बऱ्याच वेळा यात सुधारणा करण्यात एक पालक म्हणून आपल्याला बऱ्याच अडचणी येतात कारण मुले ऐकत नाहीत किंवा आपल्याला वेळ नसतो. 

या सगळ्या समस्यांवर मात करण्यासाठी आणि मुलांना ऐश्वर्य, भौतिक सुख, व्यसनाधीनता आणि इतर अनेक वाईट सवयी या सगळ्यापासून परावृत्त करण्यासाठी “साई आर्या बालसंस्कार वर्ग” वेगवेगळे उपक्रम राबवित आहे. बालसंस्कार वर्गाचा एक भाग म्हणून, तुमचे मूल पौराणिक, ऐतिहासिक कथांबद्दल शिकेल आणि अप्रत्यक्षरीत्या त्यांचा मूळ सांस्कृतिक वारसा जाणून घेईल.